Polšča zatrymała ahienta HRU, jaki vydavaŭ siabie za žurnalista. Ën pryjechaŭ u Piaremyšl — horad, praź jaki adbyvajecca pastaŭka zbroi Ukrainie
U adnym z hatelaŭ horada Pšemyśla (Piaremyšla) niepadalok ad miažy z Ukrainaj aryštavali mužčynu, jaki byŭ identyfikavany jak ahient HRU Rasii. Jon prykryvaŭsia statusam ispanskaha žurnalista i dziejničaŭ na terytoryi Polščy i Ukrainy.
U zatrymanaha kanfiskavali dokazy, jakija ciapier analizujuć. Jamu abviaścili abvinavačvańni ŭ špijanažy na karyść śpiecsłužbaŭ Rasii suprać intaresaŭ Polščy. Hetaje złačynstva karajecca pazbaŭleńniem voli na termin da 10 hadoŭ. Pa rašeńni suda špijona aryštavali pakul što na try miesiacy.