InventoLabs «płanuje terminova adkryć jašče adzin ofis dla rełakiejtu»
— U InventoLabs z vypłataj zarobkaŭ, a taksama zarpłatnymi prajektami ŭsio ok.
Ciapier kampanija płanuje terminova adkryć jašče adzin ofis dla rełakiejtu i pieravieźci tych, chto choča ci moža. Pieršapačatkova ŭ płanach była Vienhryja, bo paŭhoda tamu adkryli tam ofis, ale ekstrana i siońnia — Hruzija. Jaki mienavita horad, pakul nie ahučvajecca, ale chutčej za ŭsio, Tbilisi.
Pravodzili apytańnie siarod tych, chto ahučyŭ hatoŭnaść źjechać. Ź pieraličanych varyjantaŭ vybrali toj, jaki najbolš časta zhadvaŭsia, i adpravili tudy čałavieka — vyrašać pytańni na miescy. Pytalisia pra žadanyja terminy rełakacyi — jak praviła, chłopcy kazali: nie paźniej, čym praz tydzień, dziaŭčaty mohuć i na praciahu miesiaca.
Pa varyjantach łahistyki ŭsio jak va ŭsich: praz Maskvu/Stambuł/Jerevan/Sočy, ź Minska — na ciahniku/samalocie.
Prybałtyjskaja kampanija «supracoŭnikam z hramadzianstvam RF rekamiendavała pierajści ŭ RB»
— Prybałtyjskaja kampanija, u Biełarusi — aŭtstafiery. Litaralna ŭ paniadziełak litoŭski ofis pryniaŭ rašeńnie vypłacić zarobki za luty + avansavać za sakavik-travień. Taksama ŭładalniki kampanii padali ŭ Departamient pa mihracyi prašeńnie na adkryćcio kvoty pa prahramie Blue Card na ŭsich supracoŭnikaŭ u Biełarusi.
Usie rasijskija prajekty začynili, ale pakolki my pracujem pa Times & Materials, to prosta prainfarmavali, što ŭ takoj situacyi nie možam akazvać pasłuhi, bo heta dla kampanii finansavyja ryzyki ŭ vyhladzie nieapłaty patračanaha času.
Pierachodzim na pieradapłatu z RF.
U nas jość supracoŭniki z rasijskim hramadzianstvam, im rekamiendavana pa mahčymaści pierajści ŭ biełaruskaje, bo jany nie zmohuć lehalna ŭjechać bieź dziejnaj vizy ŭ Litvu, kab prajści sumoŭje ŭ Departamiencie pa mihracyi.
Usie vydatki pa pierachodzie ŭ biełaruskaje hramadzianstva, pieravody dakumientaŭ, vizavyja zbory i tamu padobnaje kampanija biare na siabie.
Opinov8: «Ci pierajezd u Hruziju, ci zvalnieńnie. 90% źjazdžajuć»
— Opinov8 zakryvaje ofis u Minsku, bo nie moža pieravodzić hrošy ź Vialikabrytanii. Filijał u nas nievialiki — 15-20 čałaviek, asnoŭny ofis byŭ u Kijevie — kala 200 čałaviek. Nam učora abviaścili: ci pierajezd u Hruziju, ci zvalnieńnie. 90% źjazdžajuć.
Pierajezd płanujecca na praciahu miesiaca, pierajazdžaješ sam, a kampanija dapamoža i pakryje vydatki.
«Da 80% usioj biełaruskaj IT-haliny źniknie». Tysiačy prahramistaŭ ź siemjami biahuć ź Biełarusi prosta ŭ hetyja chviliny
