Minsk
U stalicy na pracu zaprašali «Kieramin», Minski zavod kołavych ciahačoŭ, «Minskmietrabud», «Zielanbud Leninskaha rajona», «Remaŭtadar Partyzanskaha rajona» i h.d. Usiaho 300 vakansij.
Naprykład, na Minski zavod kołavych ciahačoŭ patrabujecca naładčyk stankoŭ i manipulataraŭ z prahramnym kiravańniem, a taksama śvidravalščyk. Na zarobak u 1500 rubloŭ. Taksama jość vakansija ślesara-ramontnika za 970 rubloŭ.
«Kieraminu» patrabujecca stalar i naładčyk abstalavańnia. Tut hatovyja płacić 1130 rubloŭ.
Zielanbud Leninskaha rajona šukaje hałoŭnaha buchhałtara. Abiacajuć 1500 rubloŭ u miesiac.
Na Minski aŭtamabilny zavod patrabujucca juryskonsult (zarobak 1486 rubloŭ), inžynier-kanstruktar (1460), dyśpietčar (1020), inžynier-prahramist (973).
Bolš za ŭsio pracoŭnych miescaŭ prapanuje «Minskmietrabud»: traktaryst z zarobkam u 1000 rubloŭ, inžynier-miechanik — 1013, majstar budaŭničych i mantažnych rabot — 1111.
Taksama patrabujecca mašynist krana, mašynist ekskavatara, vadziciel aŭtamabila. Pa ŭsich vakansijach zarobak 1300 rubloŭ.
Minskaja vobłaść
Marjinahorskaja rajonnaja balnica šukaje 21 doktara-śpiecyjalista. Abiacajuć 700 rubloŭ. Taksama šukajuć miedycynskich siaścior-śpiecyjalistaŭ: dla ich jość 18 vakansij, zahadčykaŭ arhanizacyi achovy zdaroŭja — 12 miescaŭ, daktaroŭ pa ambułatorna-palikliničnaj dapamozie — 5 volnych vakansij, akušerak — 2 vakansii. Pa ŭsich prapanujuć zarobki ŭ rajonie 600 rubloŭ.
Na Zavod hornaha vosku ŭ haradskim pasiołku Śvisłač patrebnyja apieratary technałahičnych ustanovak, markietołah, mašynist ruchavikoŭ unutranaha zharańnia, majstar i inžyniery-technołahi. Zarobki ad 1300 da 1615 rubloŭ.
Na Minskaj aharodninnaj fabrycy 14 volnych vakansij na pasadu aharodnika, zarobak — 1200 rubloŭ. Taksama šukajuć vieterynarnaha doktara-hiniekołaha — 900, i elektrahazazvarščyka — 700 rubloŭ.
Homielskaja vobłaść
U Karmianskim rajonie nie chapaje supracoŭnikaŭ u adździele ideałahičnaj raboty, kultury i pa spravach moładzi. Na pasadu zahadčyka filijała patrebnyja dva rabotniki, u hety ž adździeł patrabujucca akampanijatary — 6 svabodnych miescaŭ. Pa ŭsich hetych vakansijach zarobak — 500 rubloŭ.
Viciebskaja vobłaść
U Hłybocki vopytny lashas patrebnyja valščyki lesu, a taksama majstar i buchhałtar. Zarobki — 1200 rubloŭ.
Na pradpryjemstva «Miareckija» šukajuć hałoŭnaha vieterynarnaha doktara, hałoŭnaha ahranoma, hałoŭnaha zaatechnika. Zarobki ad 1000 da 1200 rubloŭ. Taksama patrebnyja žyviołavody. Abiacajuć płacić 600 rubloŭ.
Na pradpryjemstva «Karali» patrebny vieterynarny fielčar. Jamu abiacajuć 750 rubloŭ. Tut ža šukajuć hałoŭnaha zaatechnika na zarobak u 700 rubloŭ, a taksama apieratara mašynnaha dajeńnia na 600.
Bolš za ŭsio vakansij u Viciebskaj vobłaści prapanuje Hłybocki miasakambinat. Jość 6 svabodnych miescaŭ na vakansiju zabojščyk žyvioły na zarobak u 600 rubloŭ, aparatčyk vytvorčaści charčovych tłuščaŭ — 600, abvalščyk miasa — 650, žylščyk miasa i subpraduktaŭ — 650.
U tavarystva «Sialcy» šukajuć traktarystaŭ, apierataraŭ mašynnaha dajeńnia i majstra pa ramoncie abstalavańnia. Zarobki — 420 rubloŭ.
Čytajcie taksama:
Navukoviec, prahramist u Huhle, palituciakač. Historyja adnaho kłasa, amal pałova jakoha vyjechała ź Biełarusi
