Hramadskaja dziajačka Vieranika Ivanova, jakaja adsočvaje los pinčukoŭ-palitviaźniaŭ, upeŭnienaja, što Sałaŭja pakarali za jaho pryncypovaść, pra heta jana raspaviała «Radyjo Racyja»:
«Jon zaŭždy abaraniaŭ svaje pohlady, pravy. Ja ŭpeŭnienaja, što znachodziačysia ŭ kałonii, jon praciahvaje rabić toje ž samaje. Jon dobra viedaje zakonnyja miechanizmy, jon choča, kab było stroha pa zakonie. U nas takoje nieprymalna. I ŭ suviazi ź jaho artykułam i formaj pavodzinaŭ, jaho represujuć. Praciahły čas jon znachodziŭsia ŭ pamiaškańni kamiernaha typu ŭnutry kałonii. Heta źjaŭlajecca dyscyplinarnym spahnańniem. Jaho maksimalna abmiažoŭvali ŭ pieradačach, sumie hrošaj, jakuju jon moža vydatkoŭvać na siabie», — raspavviała Vieranika Ivanova.
Ihar Sałaviej letaś byŭ asudžany pa hučnaj «Pinskaj spravie», jaho pakarali šaściu hadami źniavoleńnia za ŭdzieł uviečary 9 žniŭnia 2020 hoda ŭ mitynhu pad budynkam Pinharvykankama.