Paviedamleńnie apublikavana na sajcie dypłamatyčnaha pradstaŭnictva.
«Situacyja ź biaśpiekaj va Ukrainie zastajecca niepradkazalnaj z-za uzrosłaj pahrozy vajennych dziejańniaŭ Rasii i moža pahoršycca biez papiaredžańnia. Pasolstva ZŠA zaklikaje hramadzian ZŠA va Ukrainie razhledzieć mahčymaść adjezdu ciapier, vykarystoŭvajučy kamiercyjnyja abo inšyja pryvatnyja transpartnyja srodki», - havorycca ŭ zajavie.
Tam taksama paznačana, što situacyja na miežach z Rasijaj i Danbasam zastajecca niepradkazalnaj i moža pahoršycca ŭ luby momant.
Druhim pahroźlivym faktaram u zajavie paznačany ŭkrainskija demanstracyi, u tym liku ŭ Kijevie, padčas jakich ździajśniajucca akty hvałtu.
U pasolstvie adznačyli, što amierykancy mohuć vylecieć z Ukrainy kamiercyjnymi rejsami z usich mižnarodnych aeraportaŭ krainy. Dypłamatyčnaje pradstaŭnictva, u svaju čarhu, hatova akazać dapamohu až da pradastaŭleńnia pazyki na repatryjacyju hramadzianam, jakija nie mohuć dazvolić sabie kupić kamiercyjny kvitok u ZŠA. Taksama amierykanskim hramadzianam prapanujecca padrychtavać zapasny płan na vypadak, kali nie atrymajecca źviazacca z supracoŭnikami ambasady.