Zaŭtra pravasłaŭnyja ŭ Biełarusi buduć śviatkavać Vadochryšča, u pamiać ab chryščeńni Janam Chryścicielem (Iaanam Pradciečam) Isusa Chrysta ŭ vodach raki Iardan. Jašče hetaje śviata nazyvajuć Bohajaŭleńniem.
Pavodle Novaha Zapavietu, Boh javiŭsia ludziam u toj dzień u troch svaich ipastasiach: ułasna Boha-syna, jaki pryjšoŭ chryścicca, Boha-baćki, jaki śviedčyŭ hołasam ź niabiosaŭ, i Ducha Śviatoha, jaki źjaviŭsia padčas rytuału ŭ vyhladzie hołuba.
U narodnaj tradycyi Vadochryšča — heta pierałom zimy na viasnu. «Traščy, nie traščy, a ŭžo pa Vadochryščy», — kaža marozu prykazka.
Ličycca, što ŭ hety dzień vada, aśviečanaja śviatarom, nabyvaje čaroŭnyja ŭłaścivaści, robicca śviatoj. A aśviacić śviatar moža choć i vadu ŭ vadajomie.
Mnohija vierać, što kali ŭ takoj vadzie pakupacca, to heta va ŭsich adnosinach karysna — i duchoŭna, i fizična. Na samaj spravie, viadoma, tut jość šmat «ale», tym bolš u našym klimacie, ale achvotnych u hety dzień akunucca ŭ pałonku, majučy samuju roznuju matyvacyju, nikoli nie brakuje.
Vada nibyta nabyvaje svaje čaroŭnyja ŭłaścivaści ŭviečary 18 studzienia — na Vadachryščanskuju kućciu. A tamu akunacca ŭ pałonku možna pačynać z 18.00 hetaha dnia.
Sioletni hod — nie vyklučeńnie. Pad kaniec hetaha dnia ŭ navinnych stužkach niamała siužetaŭ pra aśviačeńnie vady i kupańnie ŭ pałonkach.
Čyn aśviačeńnia vady kala Chrama Usich Śviatych u Minsku. Fota: Pavieł Rusak /minsknews.by
Aśviačeńnie pałonki ŭ Minsku na stancyi «Drazdy».
Žančyny raźbirajuć śviatuju vadu ŭ adnym ź minskich chramaŭ.
Nie abychodzicca i biez narodnych abradaŭ. U Homieli na Sažy.
Kupańnie ŭ kupieli kala Chrama Usich Śviatych. Biez zaležnaści ad połu i ŭzrostu. Fota: Pavieł Rusak /minsknews.by
Akunańnie ŭ kupiel kala Chrama Usich Śviatych. Fota: Pavieł Rusak /minsknews.by
Možna śviatkavać i tak. Jak paviedamlaje BiełTA, «na bazie sanatoryja «Mašynbudaŭnik» la staroha rečyšča raki Sož sabrałosia kiraŭnictva pradpryjemstva, lidary prafsajuznaha ruchu, ludzi, što adpačyvajuć i bolš za 300 pałomnikaŭ».
