realt.onliner.by, obukhovich.by
Členy abłasnoha savieta pa pytańniach historyka-kulturnaj spadčyny 21 śniežnia vyjazdžali ŭ Krasnasielski. Tam jany ahledzieli budynki, sustrelisia z pradstaŭnikom ułaśnika («Krasnasielskbudmateryjały») i praviali vyjaznoje pasiadžeńnie. U vyniku ŭnieści kompleks u śpis spadčyny admovilisia.
Abłasny saviet užo razhladaŭ pytańnie zavoda ŭ Krasnasielskim 23 listapada. Tady aŭtary prapanovy atrymali adkaz: dapracavać materyjały.
Zavod zbudavali ŭ 1914 hodzie z elemientami stylu paŭnočnaha madernu. Jaho ŭźviali kala radovišča krejdy pad vajskovyja patreby pierad Pieršaj suśvietnaj. Cemient spatrebiŭsia na pabudovu 13 fartoŭ i 30 apornych punktaŭ Hrodzienskaj krepaści. Zavod začynili ŭ kancy 90-ch. Jon byŭ aficyjna abvieščany zakrytaj zonaj u suviazi z avaryjnym stanam.
