Fota sa staronki ŭ Instahramie Alaksandry Hierasimieni
Dniami Hierasimienia paviedamiła, što vystaŭlaje na aŭkcyjon svaje alimpijskija miedali: bronzu z Alimpijady ŭ Rya 2016 hoda i dva srebry z Alimpijady-2012 u Łondanie.
«Usie srodki ad NFT-aŭkcyjonu buduć nakiravanyja na pakryćcio raschodaŭ pa abaronie pravoŭ čałavieka ŭ biełaruskim sporcie i prymusie UEFA vykonvać pałažeńni ŭłasnaha statuta», — paviedamiła viadomaja płyŭčycha.
U kastryčniku BFSS apublikavaŭ dakład ab šmatlikich parušeńniach z boku fiederacyi futboła. Va UEFA nie paličyli dokazy pierakanaŭčymi. BFSS padaŭ apielacyju ŭ Spartyŭny arbitražny sud u Łazanie na pastanovu UEFA nie pačynać dyscyplinarnaje rasśledavańnie ŭ dačynieńni da ABFF i jaje kiraŭnictva.
Kab praces startavaŭ, BFSS treba apłacić 22 500 jeŭra. Hetuju sumu i vyrašyła sabrać Hierasimienia.
NFT (nonfungible token, nieŭzajemazamienny tokien) — heta ličbavy aktyŭ, stvorany z dapamohaj technałohii błakčejnu, jakaja harantuje aryhinalnaść pradmieta, a taksama prava ŭłasnaści. Nieŭzajemazamienny tokien unikalny, jaho nielha adnavić, a košt adnaho NFT nie zaležyć ad koštu inšaha.
