«Siońnia ranicaj adbyłosia adklučeńnie sietki 110 kVt pa ŭsim Frunzienskim rajonie Minska. Ciaham 10 chvilin usie spažyŭcy byli padklučanyja» — paviedamlajuć u Minharvykankamie.
Śpiecyjalisty zaraz pracujuć na padstancyi CEC-4, kab vyrašyć pytańnie z pałomkaj.
Viadoma, što adklučeńnie pryviało da zboju ŭ ruchu transpartu.
Tak z 05.13 na praśpiekcie Dziaržynskaha — vulicy Chmialeŭskaha ŭ abodvuch napramkach z-za paškodžańnia kantaktnaj sietki adbyłosia spynieńnie ruchu tralejbusaŭ na maršrutach № 36, 40, 53. Ruch maršrutu № 36 byŭ arhanizavany pa vuł. Ščorsa, vuł. Čyhunačnaja, vuł. Maskoŭskaja, vuł. Tałstoha, vuł. Mahiloŭskaja. Praz 10 chvilin ruch adnavili.
Taksama spyniali ruch tralejbusaŭ na vulicach Suražskaja, Hurskaha — praśpiekcie Dziaržynskaha, Prytyckaha. — praśpiekcie Puškina, praśpiekcie Dziaržynskaha — vulicy Ščorsa. Praz adklučeńnie napružańnia na dyśpietčarskich stancyjach «Sucharava-5» i «Zachad-3» spyniaŭsia ruch elektrobusaŭ.
