Zhodna z materyjałami spravy, «abvinavačanaja sumiesna ź inšymi asobami, u tym liku zamiežnymi hramadzianami, stvaryła i administravała šerah telehram-kanałaŭ. Ich dziejnaść była nakiravanaja na dyskredytacyju ŭłady Biełarusi i jaje pravaachoŭnaha błoka, raspalvańnie sacyjalnaj varožaści, a taksama arhanizacyju złačynstvaŭ u dačynieńni da asobnych katehoryj hramadzian».
Adznačajecca, što byli raźmieščanyja piersanalnyja źviestki nie mienš čym 238 čałaviek, siarod jakich — supracoŭniki orhanaŭ unutranych spraŭ, prakurorskija rabotniki, sudździ, inšyja dziaržaŭnyja słužačyja, a taksama žurnalisty.
Paviedamlajecca, što padčas papiaredniaha rasśledavańnia Safija vykanała abaviazacielstvy, «praduhledžanyja zaklučanym ź joj dasudovym pahadnieńniem ab supracoŭnictvie, taksama jana pryniała miery da vypłaty dachodu, atrymanaha złačynnym šlacham».
Raniej stała viadoma, što jana napisała prašeńnie ab pamiłavańni na imia Alaksandra Łukašenki.
Safija Sapieha była zatrymanaja 23 maja razam z Ramanam Pratasievičam paśla pasadki ŭ Minsku rejsa Ryanair Afiny — Vilnia.
«Heta katastrofa i dla jaje, i dla nas». Ajčym Safii Sapiehi prakamientavaŭ vystaŭleńnie abvinavačvańnia dačce
