Fota: Minsk-naviny
Pavodle viersii śledstva, Krapak, pačynajučy z 2014 hoda, na roznych pasadach u dziaržstrukturach ździajśniaŭ karupcyjnyja złačynstvy.
U 2014—2017 hadach jon kiravaŭ administracyjaj Maskoŭskaha rajona Minska, a ŭ 2017—2020 hadach byŭ namieśnikam staršyni Minharvykankama. Śledstva ličyć, što Krapak patrabavaŭ ad kiraŭnika adnaho z subjektaŭ haspadarańnia 10 tysiač dalaraŭ u abmien na łajalnaść i vyrašeńnie pytańniaŭ biznesu. Atrymaŭšy srodki, abvinavačany łabijavaŭ intaresy biznesmiena. U dalejšym za pasłuhi jon atrymaŭ jašče 3000 jeŭra i 9000 dalaraŭ. Taksama čynoŭnik prymaŭ za svaju pratekcyju padarunki: pradmiety harderobu, ałkahol, apłatu avijabiletaŭ, aŭtamyjki, arendy tenisnych kortaŭ i inšaje.
Staŭšy dyrektaram AAT «HUM», abvinavačany zaklučyŭ damovu z kampanijaj adnaho sa svaich prateže i daručyŭ zakuplać u jaje pradukcyju ŭ abjomach, jakija zahadzia nielha było realizavać. Jamu inkryminujucca taksama inšyja epizody, źviazanyja z zakupkami.
Alaksandru Krapaku pradjaŭlenyja abvinavačvańni pa troch artykułach:
— 426 («Pieravyšeńnie ŭłady i słužbovych paŭnamoctvaŭ, ździejśnienaje z karyślivaj i inšaj asabistaj zacikaŭlenaści, asobaj, jakaja zajmaje adkaznaje stanovišča»);
— 424 («Złoŭžyvańnie ŭładaj i słužbovymi paŭnamoctvami»);
— č. 1 i č. 2 art. 430 («Atrymańnie chabaru i atrymańnie chabaru paŭtorna»).
Abvinavačany znachodzicca pad vartaj. Sprava pieradadzienaja ŭ prakuraturu dla nakiravańnia ŭ sud.
