Vydańnie Znak.com paviedamlaje, što novym pasłom Rasii ŭ Biełarusi stanie staršynia vyšejšaha savieta «Adzinaj Rasii», paŭnamocny pradstaŭnik Rasii ŭ kantaktnaj hrupie pa ŭrehulavańni situacyi na Danbasie, były staršynia Dziarždumy i ministr unutranych spraŭ Barys Hryzłoŭ. Ciapierašni pasoł Jaŭhien Łukjanaŭ budzie adklikany.
Vydańnie spasyłajecca na krynicu ŭ Dziarždumie. Paviedamlajecca, što kandydaturu Hryzłova siońnia ŭchvaliŭ dumski kamitet pa spravach SND. Kančatkovaje rašeńnie ab zaćviardžeńni kandydatury pa pasadu ambasadara Rasii ŭ Biełarusi prymie prezident Rasii Uładzimir Pucin.
Ciapierašni pasoł Łukjanaŭ pracuje ŭ Minsku z sakavika hetaha hoda.
0
0
0
0
0
0
