Archiŭnaje fota
La Pałaca sportu zapłanavany čatyry bujnyja mierapryjemstvy. Tam zrobiać sceničny kompleks u vyhladzie śniažynki. 25 śniežnia adbudziecca vialiki kancert «Muzyka abjadnoŭvaje» z udziełam tvorčych kalektyvaŭ z usich kutkoŭ Biełarusi. Adnym z chedłajnieraŭ, jak čakajecca, stanie Alaksandr Saładucha.
U navahodniuju noč z 00:30 da 4:00 placoŭka kala Pałaca sportu stanie miescam praviadzieńnia kancerta zorak biełaruskaj estrady «Skrynka žadańniaŭ». Vystupiać Alona Łanskaja, Iryna Darafiejeva, Tea.
U pieršy dzień Novaha hoda ŭ 19:00 placoŭka la Pałaca sportu pieratvorycca ŭ centr maładziožnaj tusoŭki: zapłanavanaje praviadzieńnie zabaŭlalnaj prahramy z udziełam dydžejaŭ i kavier-bendaŭ. Chedłajnier — hurt «Drazdy». A ŭžo 7 studzienia tam adbudziecca Kaladnaja prahrama: prahučać kaladnyja pieśni, u tym liku ŭ estradnych apracoŭkach. Vystupiać «Pieśniary».
Što tyčycca Vierchniaha horada, tam u ciapierašni čas taksama mantujuć sceničnuju placoŭku-kasmalot. Užo pravodziacca repietycyi.
A vystupleńni pačnucca z 25 śniežnia i praciahnucca da 2 studzienia, pryčym trojčy ŭ dzień. U 12:00 minčan i haściej stalicy buduć čakać zabaŭlalnyja interaktyŭnyja prahramy i kvesty pa Vierchnim horadzie. Ich rychtujuć sumiesna z muziejami, pryniaŭšy ŭdzieł, možna budzie vyjhrać pryz. A ŭ 17:00 i 20:00 Vierchni horad stanie miescam praviadzieńnia teatralizavanaj interaktyŭnaj prahramy «Navahodni kasmalot. Šlach da ziamli».
