«My padpisali pahadnieńnie ŭ halinie pavietranaha transpartu pamiž Biełaruśsiu i Vieniesuełaj. U Biełarusi praź Vieniesuełu ŭstalujecca suviaź z Paŭdniovaj Amierykaj, ź inšymi krainami Łacinskaj Amieryki i Karybskaha basiejna. A Vieniesueła praź Biełaruś atrymaje suviaź sa śvietam», — skazaŭ kiraŭnik Vieniesueły Nikałas Madura.
Na jaho dumku, avijazłučeńnie paspryjaje pavieličeńniu patoku turystaŭ u Vieniesuełu.
Taksama, pa infarmacyi Madury, pamiž krainami byli padpisanyja «dakumienty ab supracoŭnictvie ŭ halinie vytvorčaści praduktaŭ charčavańnia, handlu, naftachimii i adnaŭleńnia pracy zavoda pa vytvorčaści hruzavikoŭ i sielskahaspadarčych mašyn».
Vieniesueła ‒ kraina Łacinskaj Amieryki, jakaja znachodzicca ŭ zaciažnym palityčnym kryzisie, z vysokim uzroŭniem karupcyi i złačynstvaŭ. Pry minułym kiraŭniku Uha Čavisie Vieniesueła i Biełaruś naraścili handlovy abarot i inšaje ekanamičnaje supracoŭnictva, ale z prychodam Madury hetyja napracoŭki byli stračanyja.
