Pravaabarončyja arhanizacyi Biełarusi pryznali palitviaźniami vosiem čałaviek. Jany byli pazbaŭlenyja voli za abrazu Łukašenki, pradstaŭnikoŭ ułady (supracoŭnikaŭ milicyi), sudździaŭ i źniavahu dziaržaŭnych simvałaŭ:
— Andrej Jurkoŭ asudžany sudom Maładziečna i Maładziečanskaha rajona Minskaj vobłaści pa art. 368 KK za abrazu Łukašenki da 1,5 hoda pazbaŭleńnia voli ŭ kałonii ahulnaha režymu;
— Siarhiej Biekman asudžany sudom Dziatłaŭskaha rajona pa art. 369 KK i 364 KK za abraźlivyja kamientaryi ŭ dačynieńni da słužbovaj asoby da dvuch hadoŭ pazbaŭleńnia voli ŭ kałonii ahulnaha režymu;
— Juryj Pracharenka asudžany sudom Savieckaha rajona horada Homiela pa art. 369 KK (Abraza pradstaŭnika ŭłady), 368 KK (Abraza prezidenta) i 391 (Abraza sudździ) da prymusovaha psichijatryčnaha lekavańnia;
— Andrej Zvanaroŭ asudžany sudom Baranavickaha rajona i h. Baranavičy pa art. 369 KK za abrazu byłoha ministra ŭnutranych spraŭ Juryja Karajeva da dvuch hadoŭ abmiežavańnia voli z nakiravańniem u papraŭčuju ŭstanovu adkrytaha typu, nakiravany dla adbyćcia pakarańnia;
— Vital Markušeŭski asudžany pa art. 367 KK za paklop na Alaksandra Łukašenku da dvuch hadoŭ i šaści miesiacaŭ abmiežavańnia voli z nakiravańniem u papraŭčuju ŭstanovu adkrytaha typu, nakiravany dla adbyćcia pakarańnia;
— Mikałaj Havarko asudžany sudom Biarozaŭskaha rajona na 3 miesiacy aryštu pa art. 369 KK za abrazu pradstaŭnika ŭłady, pačaŭ adbyvać pakarańnie;
— Jaŭhien Kahoćka asudžany sudom Babrujskaha rajona i horada Babrujska na 6 miesiacaŭ «chatniaj chimii» pa art. 370 KK (Źniavaha dziaržaŭnych simvałaŭ), u apielacyjnym paradku prysud źmienieny na adzin hod abmiežavańnia voli z nakiravańniem u papraŭčuju ŭstanovu adkrytaha typu, nakiravany dla adbyćcia pakarańnia;
— Daniił Kasienka ŭziaty pad vartu pa abvinavačvańni pa art. 369 Kryminalnaha kodeksa za abrazu pradstaŭnika ŭłady.
