Samym bujnym univiersitetam zastajecca BDU — amal 23 tysiačy studentaŭ, na druhim miescy — BNTU (21 tysiača), na trecim — BDEU (14 tysiač).
Siarod rehijanalnych vnu najbujniejšym źjaŭlajecca Hrodzienski dziaržaŭny univiersitet (bolš za 10 tysiač studentaŭ).
59,8% studentaŭ u Biełarusi atrymlivajuć adukacyju za košt biudžetu, stypiendyju atrymlivaje bolš za 84 tysiačy čałaviek.
Pry hetym bolš za 40% sumiaščajuć vučobu z pracaj (dziaŭčaty bolš aktyŭna za chłopcaŭ). A jašče amal kožny piaty student jašče padčas navučańnia ŭziaŭ šlub. Na 110 dziaŭčat va ŭniviersitetach prychodzicca 100 chłopcaŭ.
Niahledziačy na pandemiju i hramadska-palityčny kryzis paśla vybaraŭ, u Biełarusi, pa aficyjnaj statystycy, raście kolkaść zamiežnych studentaŭ: sioleta — amal 19 tysiač čałaviek, letaś było 18,4 tysiačy, a dziesiać hod tamu — 9,3 tysiačy. Pieravažna heta vychadcy z postsavieckich krain (bolš za 60%).
