Ich abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym ŭdziele u ich (č. 1. art. 342 KK) i ŭ hvałcie albo pahrozie ŭžyvańnia hvałtu ŭ dačynieńni da supracoŭnika orhanaŭ unutranych spraŭ (art. 364 KK). Pavodle MUS, chłopcy brali ŭdzieł u masavych biesparadkach u žniŭni 2020 hoda.
U čym kankretna sud vinavaciŭ junakoŭ, pravaabaroncam nieviadoma, bo pa chadajnictvie dziaržabvinavačańnia praces zrabili zakrytym.
Sudździa Halina Knižonak pakarała Daniiła Skipalskaha, Alaksandra Suźko, Paŭła Dvoraka, Alaksandra Cimašenku pazbaŭleńniem voli na termin u 3 hady ŭ kałonii ahulnaha režymu, Kiryła Kanapackaha pazbaŭleńniem voli na 3,5 hoda.
Taksama kožny ź ich pavinien vypłacić pa 1 500 rubloŭ kampiensacyi paciarpiełamu načalniku adździeła DAI Mazyrskaha RAUS Valancinu Pilleru.
