Pra heta raspaviała ŭ efiry «Radyjo-Minsk» hałoŭnaja doktarka 32-j haradskoj kliničnaj palikliniki Iryna Svorab, paviedamlajuć «Minsk-Naviny».
— Kali čałavieku vielmi drenna i jon nie ŭ stanie pryjści ŭ palikliniku, to treba vyklikać doktara na dom, — adznačyła I. Svorab. — Heta značyć patelefanavać u palikliniku, i miedrehistratar udakładnić padstavu, kab u vypadku čaho nakiravać da čałavieka dadomu kavidnuju bryhadu.
Pa słovach doktarki, siońnia z ulikam rostu zachvorvańniaŭ na karanavirus u infiekcyjnych błokach paliklinik pracujuć dadatkovyja kabiniety pryjomu, asabliva pa paniadziełkach i aŭtorkach. Akramia taho, daktaram ahulnaj praktyki, jakija pracujuć ź infiekcyjnymi pacyjentami, dapamahajuć vuzkija śpiecyjalisty, jakija časova źmianili profil.
Taksama I. Svorab patłumačyła, što dla ŭdakładnieńnia dyjahnazu (heta tyčycca pacyjentaŭ z padazreńniem na COVID-19) va ŭsich rajonach horada pracujuć kabiniety kampjutarnaj tamahrafii. Tałony na KT raźmiarkoŭvajuć pa paliklinikach.
— Nakiroŭvajem na KT usich, kamu heta sapraŭdy nieabchodna, — skazała I. Svorab. — Razam z tym kampjutarnaja tamahrafija — heta surjoznaja pramianiovaja nahruzka na arhanizm. A kali ŭ pacyjenta narmalnaja saturacyja i niama paharšeńnia, navošta lišni raz apramianiacca?
Havoračy pra ambułatornaje lačeńnie karanavirusnaj infiekcyi, Iryna Svorab adznačyła, što antybijotyki pieršapačatkova pacyjentu nie pryznačajuć.
— Pry virusnaj infiekcyi antybakteryjalnyja preparaty nie dapamohuć, — padkreśliła jana. — Tamu antybijotyki vypisvajem, kali jość padazreńnie na dałučeńnie bakteryjalnaj fłory. Asnoŭnaje lačeńnie kavidu ŭ chatnich umovach — heta bahataje pićcio, zachavańnie pron-pazicyi, pryjom haračka-panižalnych pry tempieratury bolšaj za 38,5 °S i vitaminaŭ D, S, a taksama cynku. Dadatkovyja preparaty pryznačyć doktar.
