Puchavicki kambinat chlebapraduktaŭ nie vykanaŭ abaviazacielstvy pa pahašeńni pa adnym z vypuskaŭ ablihacyj. Termin ich zvarotu — z 15 žniŭnia 2017 hoda da 14 žniŭnia hetaha hoda.
Vidać, havorka idzie pra vypusk 1000 ablihacyj, naminalny košt kožnaj — 1000 dalaraŭ. Ahulny košt — miljon dalaraŭ. Staŭka dachodu — 7% hadavych. Heta značyć, što z adnoj ablihacyi štohadovy dachod płanavaŭsia na ŭzroŭni 70 dalaraŭ.
Adzin z akcyjanieraŭ kambinata — biznesmien Anatol Truchanovič, baćka Hanny Kanapackaj, eks-deputata i eks-kandydata ŭ prezidenty Biełarusi. U 2020 hodzie Puchavicki kambinat chlebapraduktaŭ trapiŭ u śpis pradpryjemstvaŭ, daŭhi jakoha pierad biudžetam vyrašyli restrukturyravać pa ŭkazie Alaksandra Łukašenki. Havorka išła pra 19,8 miljona rubloŭ. Płanavałasia, što pradpryjemstva ažyćciavić dadatkovy vypusk akcyj na hetuju sumu, a AAT «Ahienctva pa kiravańni aktyvami» pahasić jaho zapazyčanaść pierad biudžetam.
Hrošy ad pradadzienych ablihacyj pradpryjemstva mieła namier nakiravać na finansavańnie biahučaj i inavacyjnaj dziejnaści pradpryjemstva, pahašeńnie kredytnych abaviazacielstvaŭ. U 2017-2020 hadach mieli namier vydatkavać na madernizacyju vytvorčaści kambikormu, miasa ptuški i jajek kala 6 miljonaŭ rubloŭ. Na nabyćcio dźviuch linij hranulavańnia, transpartnaha abstalavańnia płanavali nakiravać kala 2,7 miljona jeŭra.
Što pasłužyła ŭ vyniku pryčynaj nievykanańnia abaviazacielstvaŭ pa ablihacyjach, nie paviedamlajecca.
