Metaj apytańnia było praanalizavać situacyju ŭ IT i paraŭnać biahučuju abstanoŭku z toj, što była hod i paŭhoda tamu. Udzieł u apytańni ŭziali pradstaŭniki 120 arhanizacyj. U asnoŭnym heta kampanii, jakim bolš za try hady, 36% pracujuć u halinie bolš za 10 hadoŭ. 87% apytanych kampanij źjaŭlajucca rezidentami PVT, 70% majuć štat da 100 čałaviek.
Raście kolkaść kampanij, jakija majuć abo źbirajucca adkryć pradstaŭnictva za miažoj. U kastryčniku 2020 hoda 45% mieli jaho i 19% płanavali adkryćcio, a ciapier heta adpaviedna 56% i 28%. Tolki 16% nie majuć pradstaŭnictvy i nie majuć namier jaho adkryvać — heta na 4% mienš, čym paŭhoda tamu.
59% kampanij adznačajuć najaŭnaść tych ci inšych prablem z klijentami z-za biahučaj situacyi ŭ Biełarusi (u krasaviku pakazčyk byŭ 42%). A 44% adznačyli, što ŭ ich jość ciažkaści z pryjomam płaciažoŭ z-za miažy (u lipieni, kali BICC pravodziŭ sproščanaje apytańnie, takich było mienš — 30%, jany adznačali ciažkaści ŭ asnoŭnym z płaciažami ź Jeŭropy).
