47-hadovaja žančyna i 52-hadovy mužčyna z 2014 hoda byli baćkami-vychavacielami dziciačaha doma siamiejnaha typu ŭ vioscy Budzionaŭka. Z 2016 da červienia 2021 hoda jany žorstka abychodzilisia ź dziećmi: źbivali rukami, remieniem, skakałkaj, sabačym pavadkom, prymušali padoŭhu stajać u kucie, stajać abapioršysia śpinaj da ściany z napaŭsahnutymi nahami. Adnojčy jany začynili piacihadovuju dziaŭčynku nočču ŭ padvale doma.
Vosiem niepaŭnaletnich dziaciej, samaj małodšaj na momant hvałtu było 10 miesiacaŭ, pryznanyja paciarpiełymi pa kryminalnaj spravie.
Prakuratura zaviała pa ŭsich hetych faktach kryminalnuju spravu, i pieradała jaje dla papiaredniaha rasśledavańnia ŭ Ašmianski rajonny adździeł Śledčaha kamiteta.
Mužčyna znachodzicca pad vartaj, jaho žonka — na voli, ale z abaviazacielstvam ab jaŭcy.
