Reuters
Karaleva Danii, 81-hadovaja Marhrete II, stvoryć dekaracyi dla fantastyčnaha filma Netflix «Erenhard», režysioram jakoha vystupić dacki łaŭreat premii «Oskar» Bile Aŭhust («Piele-zavajoŭnik», «Adrynutyja»), paviedamlaje RBK sa spasyłkaj na Hollywood Reporter.
«Erenhard» budzie źniaty pa matyvach aŭtabijahrafičnaha ramana dackaj piśmieńnicy Karen Bliksien «Z Afryki». Dziejańnie filma adbyvajecca ŭ kazačnym karaleŭstvie Babienchaŭzien, u centry siužeta — historyja maładoha łaviełasa i łžeekśpierta ŭ luboŭnaj navucy, jakoha najmajuć, kab dapamahčy pryncu razabracca ŭ sardečnych spravach.
«Historyi Karen Bliksien zaŭsiody začaroŭvali mianie svajoj kazačnaj estetykaj i niezvyčajnym piśmieńnickim talentam — i ja vielmi ščaślivaja być častkaj hetaha prajekta», — raspaviała kiraŭnik Danii.
Dla karalevy heta nie pieršy dośvied padobnaj pracy, Marhrete viadomaja jak mastak-ilustratar.
Jaje malunki, apublikavanyja pad psieŭdanimam Inhachild Hratmier, vykarystoŭvalisia dla dackich vydańniaŭ «Uładara piarścionkaŭ» Dž. R. R. Tołkina jašče ŭ pačatku 1970-ch.
Što tyčycca kinaśfiery, to i tut jana nie pačatkoviec, bo ŭžo raspracoŭvała kaściumy i dekaracyi dla nacyjanalnych filmaŭ i telesieryjałaŭ, a taksama dla pastanovak dackaha Karaleŭskaha baleta. Ale prajekt «Erenhard», vidać, stanie samym maštabnym u karjery karalevy-dekaratara.
