Fota sgcarmart.com.
Pieršaja ŭ śviecie latučaja honačnaja mašyna, zdolnaja razhaniacca ad 0 da 100 kiłamietraŭ na hadzinu mienš čym za try siekundy. Uletku mašyny pad nazvaj Airspeeder Mk3 voźmuć udzieł u svajoj pieršaj honcy — ale pry hetym kiravańnie imi budzie aŭtamatyčnym.
Kabina mašyny zroblenaja z vuhlarodnaha vałakna, da jaje prymacavanyja vosiem vintoŭ. Maksimalnaja chutkaść aŭtamabila-aktakoptera — 120 kiłamietraŭ na hadzinu, mašyna pracuje tolki na elektryčnaści i maje funkcyju dystancyjnaha kiravańnia, piša Daily Mail.
Jak kažuć stvaralniki, Airspeeder Mk3 sumiaščaje ŭ siabie rysy viertalota, reaktyŭnaha źniščalnika i honačnaj mašyny «Formuły-1». Naprykład, mienavita honačny balid natchniŭ dyzajnieraŭ kabiny aktakoptera.
Mećju Pirsan, zasnavalnik kampanii Alauda Aeronautics, što raspracavała mašyny Airspeeder, nahadvaje — niekatoryja ź pieršych madelaŭ Mercedes, Bentley i Renault taksama byli honačnymi. Stvaralniki hetych brendaŭ viedali, što raspracoŭka mašyn dla honak vielmi spryjaje stvareńniu lepšych aŭtamabilaŭ i dla zvyčajnaha žyćcia, bo spabornictva — važny elemient hetaj śfiery.
