Kampanija Google pradstaviła instrumient, jaki z dapamohaj štučnaha intelektu dyjahnastuje na pradstaŭlenych karystalnikami fota chvaroby skury, vałos i paznohciaŭ. Akramia fota, dla pravilnaj dyjahnostyki karystalnikam treba adkazać na niekalki pytańniaŭ. Ciapier prahrama prachodzić apošnija stadyi raspracoŭki, ale ŭžo zaraz jana aficyjna siertyfikavanaja ŭ Jeŭropie dla vykarystańnia ŭ miedyčnych metach.
Novy dadatak moža raspaznać 288 roznych chvarob, ale jaho nielha razhladać jak zamienu prafiesijnaj dyjahnostyki i lačeńnia. Tym nie mienš, ź jaho dapamohaj možna budzie lepiej kantralavać praces lačeńnia pacyjenta, piša VVS.
Kab navučyć štučny intelekt raspaznavać chvaroby, spatrebiłasia try hady i 65 tysiač zdymkaŭ ź simptomami ŭžo dyjahnastavanych chvarob. Akramia hetaha, prahrama «vučyłasia» raspaznavać simptomy pa miljonach fota ludziej z paznakami na skury, jakija vyklikali ŭ ich kłopat, i pa tysiačach fota zdarovaj skury ŭsich koleraŭ.
Stvaralniki dadatka raspracavali jaho takim čynam, kab paźbiahać pastanoŭki tryvožnych dyjahnazaŭ, naprykład raka skury. Zamiest hetaha ludziam prapanujuć źviarnucca da doktara, kab pravieryć paznaku na skury, jakaja moža być pryznakam złajakasnaha ŭtvareńnia.
