Ułady FRH pryniali płan dziejańniaŭ u padtrymku apazicyi Biełarusi, havorka idzie ab pradastaŭleńni prytułku i stypiendyj, padtrymcy niezaležnych ŚMI, zajaviła ŭ tradycyjnym videavystupie ŭ subotu kancler FRH Anhieła Mierkiel, pieradaje RIA «Naviny».
«Urad FRH pryniaŭ płan dziejańniaŭ «Hramadzianskaja supolnaść Biełarusi». Apazicyjaniery, jakija spaznali pieraśled, i ludzi, jakija znachodziacca ŭ ciažkim stanoviščy, zmohuć u palehčanym paradku atrymać vizu i takim čynam atrymać prytułak u nas. My chočam dapamahčy traŭmavanym achviaram katavańniaŭ, uvieści stypiendyi i padtrymać niezaležnyja ŚMI», — skazała Mierkiel.
Pa słovach kanclera, heta «nie źmienić supraćstajańnia» pamiž bakami kanfliktu ŭ Biełarusi, bo «heta niemahčyma zvonku», ale prademanstruje padtrymku ŭ Bierlinie ŭ adras apazicyi, što «my čujem ich hałasy».
Mierkiel zaklikała ŭłady ŭ Minsku «nieadkładna spynić hvałt i vyzvalić palityčnych źniavolenych». Jana znoŭ zajaviła ab tym, što Hiermanija i ES «buduć praciahvać pryciahvać da adkaznaści vinavatych u parušeńniach pravoŭ čałavieka ŭ Biełarusi, jakija tak i nie spyniajucca».
