Skrynšot WSJ
Kanhres ZŠA zaćvierdziŭ vyniki prezidenckich vybaraŭ. Členy abiedźviuch pałat pahadzilisia z pazicyjaj kalehii vybarščykaŭ, jakaja ŭ kancy śniežnia pryznała pieramožcam kandydata ad Demakratyčnaj partyi Džo Bajdena.
Zaćvierdzić pieramožcu vybaraŭ u Kanhresie pavinny byli niekalkimi hadzinami raniej, adnak pasiadžeńnie pryjšłosia pierapynić z-za biesparadkaŭ u Vašynhtonie. U vyniku zaćviardžeńnie adbyłosia paśla 3-j hadziny nočy (11:00 ranicy pa Minsku).
Prychilniki Donalda Trampa, mitynhoŭcy ŭ centry horada, u niejki momant zdoleli prarvać ačapleńnie i ŭvajšli ŭ budynak Kapitolija. U vyniku palicyi daviałosia prymianić ahniastrelnuju zbroju i ślezaciečny haz, kab vycieśnić ludziej. Pavodle apošniaj infarmacyi, u vyniku biesparadkaŭ zahinuli čatyry čałavieki, niekalki dziasiatkaŭ byli zatrymanyja.
Zaćviardžeńnie vynikaŭ vybaraŭ — apošni krok u padviadzieńni vynikaŭ vybaraŭ u ZŠA. U absalutnaj bolšaści vypadkaŭ hetaja pracedura była prostaj. Za apošnija 140 hadoŭ byli zrobleny ŭsiaho try sproby asprečyć na hetaj stadyi vyniki hałasavańnia, apošni raz — u 2005 hodzie, inicyjatyva nie atrymała padtrymki.
Bajden vyjhraŭ vybary, nabraŭšy ŭ vyniku ŭ Kalehii vybarščykaŭ 306 hałasoŭ, u Trampa — 232.
Prychilniki Trampa ŭvarvalisia ŭ Kapitolij, dzie pavinny byli abviaścić vyniki vybaraŭ
