U minskaj Katedry na pł. Svabody, 9 siońnia prajšli pieršyja słužby ź mitrapalitam Minska-Mahiloŭskim Tadevušam Kandrusievičam paśla jaho viartańnia ŭ krainu.
A 19 hadzinie prajšła imša na polskaj movie, a z 21:00 na biełaruskaj movie.
Na biełaruskaj imšy Kandrusieviča sustreli šmatchvilinnaj avacyjaj paśla jahonaj emacyjnaj pramovy.
Nahadajem, Tadevuša Kandrusieviča nie puścili ŭ Biełaruś 31 žniŭnia, kali jon viartaŭsia z Polščy. Łukašenka, kamientujučy hetuju situacyju, zajaviŭ, što mitrapalit «jeździŭ u Polšču i atrymlivaŭ kansultacyi, jak razburać krainu».
22 śniežnia ministr zamiežnych spraŭ Biełarusi Uładzimir Makiej zajaviŭ, što Łukašenka daručyŭ znajści vyrašeńnie situacyi. U toj ža dzień pasolstva Vatykana atrymała infarmacyju ab adsutnaści pieraškod dla viartańnia ŭ Biełaruś.
