Piać ukrainskich ministraŭ praviaduć u pramym efiry anłajn-batł pa hatavańni baršču ŭ ramkach kampanii za ŭklučeńnie stravy ŭ śpis kulturnaj spadčyny JUNIESKA. Paviedamleńnie pra heta źjaviłasia na staroncy ŭ fejsbuku Ministerstva kultury i infarmacyjnaj palityki krainy.
Spabornictva projdzie zaŭtra, 22 śniežnia. U im voźmuć udzieł ministr navakolnaha asiarodździa Raman Abramoŭski, ministr kultury Alaksandr Tkačenka, vice-premjer Ukrainy Volha Stefanišyna, ministr zamiežnych spraŭ Dźmitryj Kuleba i ministr justycyi Dzianis Maluśka.
Kožny ź ich pasprabuje pryhatavać samy smačny boršč pa kananičnych ukrainskich receptach. Adznačajecca, što pieramožcu vyznačyć viadomy ŭkrainski šef-kuchar Jaŭhien Kłapacienka.
Tranślacyja batłu budzie vieścisia ŭ sacyjalnych sietkach. «Sardečna zaprašajem za stoł palityčnaj kuchni!» — havorycca ŭ paviedamleńni ministerstva.
Raniej ministr kultury i infarmacyjnaj palityki Ukrainy Alaksandr Tkačenka zajaviŭ, što Kijeŭ budzie damahacca ŭ JUNIESKA zamacavańnia za barščom statusu ŭkrainskaha kulturnaj spadčyny.
