Niezvyčajnuju tumannuju viasiołku zaŭvažyli za 22 kiłamietry ad Viciebska 20 śniežnia. Fatahrafii pryrodnaj źjavy źjavilisia ŭ adnoj z hrup UKantakcie. Aŭtar paviedamleńnia zajaŭlaje, što na kadrach — tumannaja viasiołka.
Takaja viasiołka pradstaŭlaje saboj šyrokuju bliskučuju biełuju duhu, abumoŭlenuju prałamleńniem i raśsiejvańniem śviatła ŭ vielmi drobnych kropielkach vady. Jana źjaŭlajecca pry aśviatleńni soniečnymi pramianiami słaboha tumanu, jaki składajecca z kropielek radyusam kala abo mienš za 25 mkm.
Zrešty, jość i šaniec taho, što na zdymkach zafiksavanaja tak zvanaja vobłačnaja viasiołka. Jana ŭźnikaje, kali hrupy kropiel adlustroŭvajuć nazad śviatło ad jarkaha sonca (abo Miesiaca), jaki znachodzicca na supraćlehłym baku nieba.
0
0
0
0
0
0