RBK
Siońnia na pres-kanfierencyi prezident Rasii Uładzimir Pucin prakamientavaŭ atručvańnie Alaksieja Navalnaha ŭ žniŭni 2020 hoda. Pryčym tradycyjna proźvišča Navalnaha z vusnaŭ kiraŭnika Rasii nie prahučała.
«Što tyčycca hetaha pacyjenta ŭ bierlinskaj klinicy. Ja kazaŭ nieadnarazova, mahu niekatoryja rečy tolki paŭtaryć. Piaskoŭ mnie ŭčora raspavioŭ z nahody apošnich źviestak na hety kont, z nahody źviestak našych śpiecsłužbistaŭ. Heta nie niejkaje rasśledavańnie, heta lehalizacyja materyjałaŭ amierykanskich śpiecsłužbaŭ. Našy śpiecsłužby heta viedajuć i karystajucca telefonami tam, dzie ličać patrebnym».
Na dumku Pucina, «pacyjent u bierlinskaj klinicy» karystajecca padtrymkaj amierykanskich śpiecsłužbaŭ, a zabivać jaho rasijskim śpiecsłužbam nie było nieabchodnaści.
«Kamu jon patrebny? Kali b chacieli [atrucić], daviali b da kanca», — skazaŭ Pucin.
