BiełTA
Łukašenka siońnia naviedvaje Mahiloŭskuju abłasnuju balnicu, piša BiełTA.
Pa słovach hałoŭnaha doktara Anatola Kulika, u balnicy pracujuć kala 1,5 tys. supracoŭnikaŭ. Z 853 łožkaŭ 350 vydzielenyja dla chvorych na karanavirus. Na siońniašni dzień 108 svabodnyja. «Apošni tydzień u nas spynieńnie i pamianšeńnie pa zachvorvańniach», — zajaviŭ Anatol Kulik.
«Na siońniašni dzień asablivaść u tym, što paŭdniovyja vobłaści narmalna siabie adčuvajuć. A Mahiloŭskaja vobłaść — pasiaredzinie. Vyšej, čym paŭdniovyja vobłaści, bo jana nie pierachvareła ŭ pieršuju chvalu», — adznačyŭ Łukašenka.
— U nas pik byŭ 20 listapada, na 50% upali, paetapnaje źnižeńnie idzie — paviedamiŭ hubiernatar Leanid Zajac.
Łukašenka taksama zachapiŭsia miescam, dzie pabudavana Mahiloŭskaja abłasnaja balnica. Raniej hetaja terytoryja była akružanaja palami, ciapier tut vyraśli novyja karpusy.
«Dziakuj bohu, les nie vysiekli. Treba pabolš vysadzić vakoł dreŭ. Nie treba blizka damami padychodzić da balnicy, my znojdziem miesca, dzie pabudavać žyllo dla mahiloŭcaŭ, — padkreśliŭ jon. — Dobraja ŭ vas balnica, adno z najlepšych miescaŭ u respublicy, dzie znachodzicca abłasnaja balnica».
