My majem infarmacyju pra bolš jak 120 miascovych akcyj i šeściaŭ u roznych mikrarajonach Minska, pasiołkach Minskaha rajona i haradach-spadarožnikach. Udzieł u ich brali ad niekalkich dziasiatkaŭ da niekalkich socień (Masiukoŭščyna, Zialony Łuh, Šaryki, Kuźmy Čornaha) čałaviek. Kolkaść udzielnikaŭ nidzie nie dasiahnuła tysiačy.
Kolkaść zatrymanych siońnia, miarkujučy pa ŭsim, najmienšaja za ŭvieś čas pratestaŭ, bo demanstranty šmat dzie trymalisia dvaroŭ, što ŭskładniała rejdy siłavikoŭ.
Pieršy raz za čatyry miesiacy ŭ Minsku nie zakryvali mietro, nie adklučali internet. Ułady zrabili staŭku na mabilnyja bryhady siłavikoŭ, što raźjazdžajuć pa mikrarajonach u pošukach demanstrantaŭ.
15:46
U śpisie zatrymanych užo 63 čałavieki.
15:20
Skrynšot radyjo Svaboda
«Heta ž dzicia!» U rajonie praśpiektu Haziety «Praŭda» siłavik, padobna, viadzie padletka.
14:35
Čytač paviedamiŭ, što bačyŭ, jak bus amapaŭcaŭ kala doma pa Hołubieva 16/1 źbiŭ čałavieka, jakoha paśla zatrymali.
«Na vyjeździe sa stajanki kala doma pa Hołubieva 16/1 na vulicu Hołubieva sini bus amapaŭcaŭ źbiŭ čałavieka dla zatrymańnia. Chutkuju nie vyklikali. Vybiehli i zaciahnuli ŭ bus, bili. Stajali na stajancy, a paźniej źjechali. Ź im byŭ chłopiec, nakštałt zmoh uciačy. Na fota čałavieka ŭžo zaciahnuli ŭ aŭtobus. Sam najezd nie paśpieŭ».
14:05
Kala ŭniviermaha «Biełaruś» na Partyzanskaj adbylisia kropkavyja zatrymańni. Pa rajonie kružyć ź dziasiatak busaŭ, aŭtazak, kałony pakul raźbiehlisia, ludziej łoviać u dvarach.
14:01
Na Bielskaha, 37, zatrymanaha chłopca prostaja vałakli pa ziamli.
«Na žal, momantu zatrymańnia nie bačyła. Jaho ciahnuli z dvaroŭ. Potym, kali pierasadžvali z busa ŭ «Haziel», jon sam iści nie moh, jany jaho ciahnuli, jon nie moh stać na nohi. Mužčyna i žančyna z vazkom padyšli, sprabavali paprasić, kab jaho adpuścili, ale bieskarysna. Usiaho tut, kala doma № 37 pa Bielskaha zatrymali 4 ci 5 čałaviek. Adzin ź ich byŭ z bčb-ściaham», — piša čytačka.
13:45
Šeście ŭ Zialonym Łuzie:
13:30
U Kamiennaj Horcy prajšli maršy. Čytačy paviedamlajuć, što zaraz siłaviki sprabujuć adšukać pratestoŭcaŭ u dvarach.
13:22
«Ja vychodžu» — skanduje płošča Pieramien. 12 śniežnia minuŭ roŭna miesiac z dnia śmierci Ramana Bandarenki. Kryminalnaja sprava dahetul nie zaviedzienaja.
13:19
13:01
Žychary Sokała nadzieli navahodniuju mišuru i vyjšli na špacyr razam ź Dziedam Marozam. Śviaty ž chutka!
12:59
Čyžoŭka i Kamiennaja Horka vyjšli z dvaroŭ.
12:46
Na Niomanskaj zatrymali mužčynu.
«Ludzi prajšli nievialiki kałonaj, siemji ź dziećmi, praź dźvie chviliny padjechaŭ busik, vybiehła kala 20 siłavikoŭ, zatrymali mužčynu».
12:39
Žychary kompleksa «Majak Minska» źbiralisia pad nacyjanalnym ściaham. A kali padjechali aŭtazaki, prosta rastvarylisia ŭ kramach.
12:26
12:02
Žychary Navahrudka vitajuć svabodnych biełarusaŭ. Jany zyčać usim udałaha dnia biez zatrymańniaŭ.
11:40
Zasłaŭje vyjšła i praskandavała «Žyvie Biełaruś!» prosta na čyhunačnaj stancyi «Biełaruś».
11:25
Stužka z nadpisam «Naša voźmie» ŭ rajonie Niakrasava.
11:20
A heta Hrodna:
10:59
Kamiennaja Horka
10:15
***
Z ranicy na vulicach Minska možna pabačyć vajskovuju techniku i transpart siłavikoŭ, jakaja tradycyjna ściakajecca ŭ centr horada. Na płoščy Franciška Bahuševiča byli zaŭvažanyja navat vadamioty (i takoj biady, što z ranicy ŭ Minsku minus try hradusy).
Va Uruččy kałonu śpiectechniki vitali niejkija ludzi z čyrvona-zialonymi ściahami.
