Časovaja administracyja razhromlenaha «Biełhazprambanka» na čale z Nadziejaj Jermakovaj spyniaje svaju dziejnaść.
U bankaŭskich kołach finansavuju ŭstanovu ciapier nazyvajuć «Byłhazprambank»
Razam z tym, na pasiadžeńni Nacbanka 8 śniežnia niekalki siarednich mieniedžaraŭ «Biełhazprambanka» prajšli nieabchodnuju kvalifikacyjnuju kamisiju dla pryznačeńnia ŭ namieśniki staršyni banka.
Heta Kanstancin Kirjanaŭ — načalnik departamienta roźničnaha biznesu, Iryna Antonava — načalnik upraŭleńnia finansavych instytutaŭ, Uładzimir Karatkievič — načalnik jurydyčnaha ŭpraŭleńnia.
Krynicy «Našaj Nivy» miarkujuć, što jany i stanuć novymi top-mieniedžarami banka.
Farmalna funkcyju staršyni vykonvaje Kirył Badziej, jaki prachodzić pa adnoj spravie ź Viktaram Babarykam, ale pakul nie źjaŭlajecca asudžanym.
Badziej abo i nadalej zastaniecca «staršynioj», abo na hetaje miesca budzie pryznačany novy kiraŭnik, jakoha treba ŭzhadnić z Maskvoj — pakul infarmacyi ab realnym pierajemniku Babaryki niama.
