Paŭnočnaatłantyčnaja rada na ŭzroŭni kiraŭnikoŭ MZS abmierkavała situacyju ŭ Biełarusi i zaklikała Minsk i Maskvu «pavažać pravy biełaruskich hramadzian». Pra heta zajaviŭ u sieradu hienieralny sakratar NATA Jens Stołtenbierh pa vynikach apošniaj u hetym hodzie videakanfierencyi kiraŭnikoŭ MZS NATA.
«Ministry abmiarkoŭvali situacyju ŭ Biełarusi, a taksama ŭ Nahornym Karabachu. I Minsk, i Maskva pavinny pavažać demakratyčnyja pravy biełaruskich hramadzian na vyznačeńnie ŭłasnaj budučyni i na ŭsioabdymny palityčny dyjałoh», — zajaviŭ jon.
Stołtenbierh nijak nie prakamientavaŭ zajavu Alaksandra Łukašenki, jaki raniej u sieradu na Samicie lidaraŭ krain ADKB abvinavaciŭ NATA ŭ stvareńni vajennaj hrupoŭki dla zachopu zachodnich biełaruskich ziamiel.
