Dźmitryj Siemčanka byŭ televiadučym na ANT i pracavaŭ u prezidenckim pule. Paśla vybaraŭ i žorstkaha razhonu demanstrantaŭ jon pakinuŭ telekanał. A ŭ vieraśni adsiedzieŭ 15 sutak za ŭdzieł u maršy.
Fota z sacyjalnych sietak Dźmitryja Siemčanki
Niadaŭna Dźmitryj uładkavaŭsia na novuju pracu — jon uznačaliŭ pijar-słužbu kampanii «Biełahra», jakaja zajmajecca prodažam sielskahaspadarčaj techniki i zapčastak.
Žurnalist raskazaŭ, što paśla vychadu ź izalatara atrymaŭ adrazu niekalki prapanoŭ pa pracy — u IT-śfiery, pradziusarskim centry.
«Heta dziŭna, tamu što ŭziać mianie na pracu — heta ryzyka. Niekatoryja maje kalehi, jakija hetak ža syšli z ANT, užo sutykalisia z tym, što pracadaŭcy bajalisia ich brać, bajučysia najezdu kantralujučych orhanaŭ i inšaj pomsty z boku ŭłady. Tamu adčuvaju padziaku i pavahu da ŭsich, chto prapanavaŭ mnie pracu», — adznačyŭ Siemčanka.
