Viktar Babaryka, fota Nadziei Bužan
Padčas strymu sa Ściapanam Puciłam siabra prezidyuma Kaardynacyjnaj rady Pavieł Łatuška padzialiŭsia insajdam z sustrečy Alaksandra Łukašenki ź ministram zamiežnych spraŭ Rasii Siarhiejem Łaŭrovym:
«Adnoj z umoŭ, jakaja zastałasia za dužkami, jak kažuć našy krynicy, — heta mahčymaje vyzvaleńnie Viktara Babaryki. My viedajem, što heta razmova idzie ŭžo daŭno. Jana viałasia pierad naviedvańniem SIZA KDB Łukašenkam: tady Maskva taksama nastojvała na padobnych dziejańniach. I voś ciapier heta razmova adbyłasia iznoŭ.
Prajšła infarmacyja, što Viktar Dźmitryjevič užo znachodzicca na voli. Jana nie paćvierdziłasia pa roznych kanałach, chacia chto jaho viedaje.
Mahčyma, u najbližejšy čas jana paćvierdzicca, tamu što ciapier Łukašenka nibyta adstojvaje pazicyju, pavodle našych insajdaŭ, pra toje, kab Viktar Dźmitryjevič źjechaŭ na Kipr razam sa svaim synam. I heta budzie ŭmovaj vyzvaleńnia.
Ale, ja dumaju, vielmi mnohaje zaležyć ad pazicyi Viktara Dźmitryjeviča».