Pra heta paviedamiła žurnalistam načalnik adździeła hihijeny, epidemijałohii i prafiłaktyki Minzdaroŭja Ina Karaban, piša BiełTA.
Niahledziačy na toje, što płatnyja vakcyny ŭ hetym hodzie byli zamoŭlenyja ŭ vialikaj kolkaści, z-za vielmi vysokaha popytu jany chutka skončylisia. «Što tyčycca płatnych vakcyn, ich zakuplaje kožnaja arhanizacyja achovy zdaroŭja ŭ adpaviednaści z popytam papiarednich hadoŭ. U hetym hodzie mnohija palikliniki zamovili ich bolš, ale popyt byŭ jašče vyšejšy», — skazała Ina Karaban.
Tamu ciapier prapracoŭvajecca pytańnie ab dadatkovaj pastaŭcy francuzskaj vakcyny «Vaksihryp». Ale kali jaje i zaviazuć, to heta budzie kaniec listapada. «Vierahodniej za ŭsio, da hetaha času vakcynavacca zmoža niejkaja abmiežavanaja kolkaść ludziej. Uzrovień zachvorvańnia na COVID-19, vostryja reśpiratornyja infiekcyi raście, i vierahodnaść taho, što da kanca listapada možna być zdarovym, kab vakcynavacca, vielmi nizkaja», — adznačyła načalnik adździeła.
Razam z tym u krainie jość biaspłatnaja vakcyna rasijskaj vytvorčaści «Hrypoł Plus».
