Delfi
Urad Litvy ŭ sieradu vyrašyŭ źmianić pastanovu ab nadzvyčajnym stanoviščy i palehčyć paradak ujezdu ŭ krainu dla vysokakvalifikavanych śpiecyjalistaŭ, vykładčykaŭ, daśledčykaŭ. Taksama admovilisia ad patrabavańnia pradjaŭlać admoŭny analiz testu na karanavirus, zdadzieny nie paźniej za 72 hadziny da ŭjezdu, piša Delfi.lt.
U prajekcie pastanovy skazana, što meta źmieny ŭmoŭ — «stvareńnie pieradumoŭ dla ŭjezdu vysokakvalifikavanych śpiecyjalistaŭ, vykładčykaŭ, daśledčykaŭ».
«Ich zajaŭki na atrymańnie časovaha dazvołu na žycharstva prymajuć dystancyjna, paśla pryniaćcia stanoŭčaha rašeńnia treba pradstavić aryhinały dakumientaŭ i bijamietryčnyja źviestki», — skazana ŭ prajekcie pastanovy.
Prapanujecca taksama admovicca ad patrabavańnia pradjaŭlać admoŭny analiz testu na karanavirus, zdadzieny nie paźniej za 72 hadziny da ŭjezdu — hety paradak raspaŭsiudžvaŭsia na zamiežnikaŭ.
«Takaja prapanova zroblena tamu, što na praktycy isnuje prablema nadziejnaści/falsifikacyi hetych testaŭ, tamu ŭźnikaje pytańnie efiektyŭnaści hetaj miery.
Heta źmianieńnie aktualna i ŭ kantekście dapamohi Biełarusi: test treba zdavać i pryjazdžajučym ź Biełarusi, a tam ciapier jaho zdać nialohka (čarha na niekalki tydniaŭ napierad), tamu takoje patrabavańnie stvaraje pieraškodu dla biełarusaŭ, jakija chacieli b skarystacca palehčanym režymam ujezdu.
Akramia taho, paśla taho jak źmianilisia praviły izalacyi, patrabavańnie zdać test pazbaviłasia sensu, pakolki testavańnie źviazana z vyklučeńniami ŭ paradku izalacyi abo skaračeńniem terminu izalacyi (u hetych vypadkach abaviazkova zdavać test). Inšyja aktualnyja aśpiekty testavańnia buduć urehulavanyja ŭ praviłach izalacyi», — skazana ŭ dakumiencie.
Ministr unutranych spraŭ Ryta Tamašunienie zapeŭniła, što pryjazdžajučych u Litvu pa humanitarnym kalidory infarmujuć ab nieabchodnaści zdavać test na karanavirus.
«Pamiežnaja słužba kłapocicca ab testavańni tych, chto pryjechaŭ i źviarnuŭsia z prośbaj ab pradastaŭleńni palityčnaha prytułku», — skazała ministr.
