Alaksandru Łukašenku varta dobraachvotna syści sa svajoj pasady. Takuju zajavu zrabiŭ francuzski lidar Emaniuel Makron u intervju haziecie Le Journal du Dimanche, piša RBK.
Pa słovach Makrona, u Biełarusi ciapier praciahvajecca kryzis aŭtarytarnaj ułady, jakaja nie zdolnaja zrazumieć łohiku demakratyi. «Vidavočna, što Łukašenka pavinien syści», — zajaviŭ prezident Francyi.
Makron raspavioŭ, što razmaŭlaŭ z rasijskim prezidentam Uładzimiram Pucinym 14 vieraśnia pierad jaho sustrečaj z Łukašenkam u Sočy. «Ja skazaŭ jamu, što Rasija pavinna adyhrać svaju rolu, i hetaja rola moža być stanoŭčaj, kali jana padšturchnie Łukašenku da pavahi vybarčaha prava i vyzvaleńnia palityčnych źniavolenych», — rastłumačyŭ prezident.
Makron vykazaŭ zachapleńnie biełaruskimi demanstrantami, jakija kožnyja vychadnyja vychodziać na pratestnyja akcyi. «Asablivuju pavahu vyklikajuć žančyny, jakija pravodziać šeści kožnuju subotu», — adznačyŭ jon.
