Siońnia viečaram u Homieli ŭ domie Taćciany Kanieŭskaj adbyvajecca pieratrus. Ranicaj jaje syna Alaksandra Kanieŭskaha zatrymali ludzi ŭ maskach i pavieźli ŭ nieviadomym kirunku, pišuć «Mocnyja naviny».
Jak raspavioŭ brat, Alaksandra zatrymali za toje, što jon «nanios paškodžańni supracoŭniku milicyi». Tak paviedamili supracoŭniki baćku. Padčas pieratrusu šukali narkotyki. «Zabrali nośbity infarmacyi: novyja kampjutary, vinčestary i inšaje. Heta novaja technika, jakuju nam dapamahli nabyć paśla pieratrusu pa spravie Taćciany. Tady ŭ nas taksama ŭsio heta zabrali», — raspaviali svajaki.
Andrej pražyvaje razam z baćkam, bratami Dźmitryjem i 10-hadovym Hieorhijem i maci Taćcianaj Kanieŭskaj, jakaja ciapier znachodzicca ŭ minskim SIZA na Vaładarskaha i abvinavačvajecca ŭ arhanizacyi masavych biesparadkaŭ.
