delfi.lt
«Naša pazicyja pa-raniejšamu zaklučajecca ŭ tym, što nie varta paddavacca pravakacyjam, my nie ličym, što treba reahavać śpiecyfična, što jość niejkija pahrozy terytaryjalnaj cełasnaści abo suvierenitetu, — skazaŭ ministr abarony. — Litoŭskaja armija z sajuźnikami praciahvaje svaju zvyčajnuju dziejnaść, my nie dumajem, što my pavinny zrabić svaje hrafiki, niahledziačy na tyja vykliki, jakija zychodziać ad lidara susiedniaj krainy», — dadaŭ Karoblis, piša delfi.lt.
Razmovy Łukašenki ab mahčymaj vajnie i zakryćci miežaŭ ministr nazvaŭ sprobaj vyrašyć unutranyja prablemy štučnym pošukam źniešnich vorahaŭ.
«Praciahvajecca taja ž rytoryka, nibyta Biełaruś i spadara Łukašenku atačajuć vorahi. Heta kłasičnaja madel tatalitarnych lidaraŭ: kali jość unutranyja prablemy, to treba šukać vorahaŭ zvonku», — skazaŭ Karoblis.
Jon śćviardžaje, što Litva pa rabočych kanałach infarmavała Ministerstva abarony Biełarusi ab vajennych vučeńniach u Litvie, u samoj Biełarusi, pobač ź miežami Litvy, u apošni čas vajennaja aktyŭnaść źniziłasia.
