Hościem «Kłuba redaktaraŭ» na «Biełaruś 1» staŭ supracoŭnik «Rašy Tudej» Kanstancin Prydybajła. Jon nijaki nie redaktar, ale ŭžo čarhovy raz traplaje ŭ prahramu Ivana Ejsmanta.
«Kryŭdna, što apublikavali maje piersanalnyja danyja ŭ adnym z telehram-kanałaŭ. Ja pieršy žurnalist tam, ja praviaraŭ. Tak, trolać, bulać, napadajuć na žurnalistaŭ dziaržaŭnych miedyja, ale mienavita niejak u sacsietkach vyličvajuć pa imieni, proźviščy, aŭtarstvu materyjała. Ale kab patrapić u «čornuju knihu», jak jany nazyvajuć… Tam jość siłaviki — byccam by jany da hetaha pryvykli. Ale žurnalist… Ja śpiecyjalna apranuŭ futbołku «frydam of śpič» (svaboda vykazvańnia — «NN»). Kali vy takija mirnyja, kali vy za roŭnaść usich na śviecie, kali vy za svabodu słova, to što vy robicie, čerci?!»
