Śviatłana Cichanoŭskaja prakamientavała słovy dyrektara Słužby źniešniaj raźviedki Rasii Siarhieja Naryškina:
«Pryčyna pratestaŭ u Biełarusi adna i ŭsim viadomaja: Łukašenka prajhraŭ vybary, ale nie žadaje sychodzić. Narod, jaki admoviŭ byłomu prezidentu ŭ daviery i padtrymcy, patrabuje jaho sychodu.
Heta ŭnutrany palityčny kryzis, u patrabavańniach pratestoŭcaŭ niama ničoha, što tyčyłasia b adnosin ź inšymi krainami abo źmieny źniešniepalityčnaj aryjentacyi Biełarusi. Heta varta było b zrazumieć kiraŭniku SZR Rasii spadaru Naryškinu zamiest taho, kab tranślavać niaśviežyja prapahandysckija štampy», — skazała Cichanoŭskaja.
Nahadajem, raniej kiraŭnik Słužby źniešniaj raźviedki Rasii zajaviŭ, što ŭ padziejach u Biełarusi prasočvajecca niejki «zachodni śled».