Arcybiskup Ante Jozič / Vatican News
Padčas svajho biskupskaha paśviačeńnia, jakoje adbyłosia 16 vieraśnia, arcybiskup Ante Jozič źviarnuŭsia sa słovami pryvitańnia da duchavienstva i viernikaŭ Kaścioła ŭ Biełarusi, jaki, jak adznačyŭ, «ciapier pieražyvaje składanyja časy», piša catholic.by.
Apostalski nuncyj u Biełarusi paabiacaŭ svajo «malitoŭnaje supracoŭnictva» dla vyrašeńnia ŭsich prablem krainy «z dapamohaj miru, dyjałohu i salidarnaści, paźbiahajučy luboha nasilla».
«Malusia da Dzievy Maryi, kab zaŭsiody natchniała vas, dapamahała ŭ ciažkija momanty vašaha žyćcia», — skazaŭ ijerarch.
Biskupskaje paśviačeńnie adbyłosia ŭ Solinie (Charvatyja). Udzialiŭ paśviačeńnie Dziaržsakratar Papy Franciška kardynał Pjetra Paralin.
Papa Francišak pryznačyŭ Ante Joziča Apostalskim nuncyjem [h.zn. pasłom Batykana] u Biełarusi 21 maja.
Apostalskimi nuncyjami ŭ Biełarusi ŭ rozny čas byli kałumbijec Habryel Mantalva, italjaniec Ahaścina Markieta, słavieniec Ivan Jurkavič, słavak Daminik Hrušoŭski, charvat Marcin Bidavič, italjaniec Kłaŭdya Hudžeroci, vienhr Habar Pinter.
Ante Jozič — charvat. 2 lutaha 2019-ha papa pryznačyŭ jaho apostalskim nuncyjem u Kot-dJIvuary i tytularnym arcybiskupam Cysy. Biskupskaje paśviačeńnie jamu pavinien byŭ uručyć 1 maja letaś kardynał dziaržsakratar Pjetra Paralin. Adnak 7 krasavika 2019 hoda Ante Jozič trapiŭ u aŭtamabilnuju avaryju kala Splita, paśla jakoj apynuŭsia ŭ balnicy i byŭ u krytyčnym stanie. Druhi raz biskupskaje paśviačeńnie adkłali praz pandemiju.
Čytajcie taksama:
U Biełarusi pryznačany novy apostalski nuncyj
