Noč u izalatary na Akreścina praviali žurnalisty Alaksandar Vasiukovič, Uładź Hrydzin i Jahor Kalahin, paviedamlaje karespandent «Svabody». Žurnalistaŭ zatrymali a 21-j hadzinie 13 vieraśnia ŭ mienskim bary «1067».
Žurnalistaŭ vinavaciać va ŭdziele ŭ niesankcyjavanym mierapryjemstvie, data sudu nieviadomaja na momant publikacyi.
Vasiukovič siadzieŭ u bary razam z Hrydzinym i Kalahinym, raskazała «Svabodzie» ich susiedka pa stoliku Žanna. Paśla taho jak mužčyny vyjšli pakuryć i viarnulisia ŭ bar, pa ich zajšli 6-7 čałaviek u bałakłavach. Mužčyn zatrymali i zabrali ichnaje abstalavańnie. Imiony inšych zatrymanych pakul nieviadomyja.
Z zapisaŭ kameraŭ nazirańnia było vidać, što niekatoryja siłaviki byli ŭ formie AMAPu.
Paźniej Vasiukovič skinuŭ SOS-paviedamleńnie z telefona z punktu na Kalvaryjskaj, 43.
Žurnalistaŭ dastavili ŭ Frunzenskaje RUUS, kala jakoha ŭ noč na 14 vieraśnia dziažuryli 50 čałaviek.
U kancy lipienia zvyš 200 žurnalistaŭ źviartalisia da ŭładaŭ i siłavikoŭ z nahody hvałtu suprać žurnalistaŭ i pieraškodaŭ u pracy:
U Kryminalnym kodeksie Biełarusi jość artykuł 198: «Pieraškoda zakonnaj prafesijnaj dziejnaści žurnalista… karajecca štrafam, abo pazbaŭleńniem prava zajmać peŭnyja pasady, abo zajmacca peŭnaj dziejnaściu, abo abmiežavańniem voli na termin da troch hadoŭ, abo pazbaŭleńniem voli na toj ža termin».
