Vałancioru niezarehistravanaha centra «Viasna» Paŭłu Harbuzu, jakoha padazrajuć u arhanizacyi masavych biesparadkaŭ u Minsku 9-12 žniŭnia, praciahnuli termin zatrymańnia da 10 sutak i pieraviali ŭ SIZA №1 na vulicy Vaładarskaj. Jon znachodzicca ŭ statusie padazravanaha pa artykule 293 Kryminalnaha kodeksa, piša spring96.org.
Pra heta paviedamiła jaho žonka Maryna, taksama vałanciorka «Viasny». 2 vieraśnia jaje vyklikali na dopyt u jakaści śviedki ŭ Śledčy kamitet. Taksama jana raspaviała, što ŭ dzień padaŭžeńnia terminu zatrymańnia Paŭłu da jaho ŭ izalatar časovaha ŭtrymańnia na Akreścina nie zmahła trapić abaronca praz «niedachop kabinietaŭ».
Paŭła zatrymali 31 žniŭnia pa padazreńni ŭ arhanizacyi masavych biesparadkaŭ 9-12 žniŭnia ŭ Minsku. U domie praviedzieny pieratrus.
