Rasijanie, zatrymanyja ŭ kancy lipienia ŭ Biełarusi, znachodziacca ŭ nie samaj lepšaj maralna-psichałahičnaj formie, raspavioŭ konsuł ambasady RF u Biełarusi Kirył Platnioŭ u efiry telekanała «Rasija 1», piša «RIA Naviny».
«My, viadoma, pastaralisia padbadzioryć rasijanaŭ, ale, pavinien adkryta skazać, našy suajčyńniki znachodziacca ŭ nie samaj lepšaj maralna-psichałahičnaj formie.
Jany nie razumiejuć, čamu im inkryminujuć suviaź z apazicyjnymi lidarami Biełarusi, proźviščy jakich bolšaść ź ich nikoli nie čuli», — skazaŭ konsuł.
Jon taksama adznačyŭ, što kožny z zatrymanych z poŭnaj upeŭnienaściu zajaviŭ rasijskim dypłamatam, što metaj ujezdu ŭ respubliku byŭ mienavita tranzitny prajezd. Kančatkovaj metaj ich padarožža była adna ź dziaržaŭ u Łacinskaj Amierycy.
