Kala 3500 čałaviek sabralisia na haradski stadyjon u Maładziečnie na sustreču sa Śviatłanaj Cichanoŭskaj.
Hladzicie, jak vyhladała čarha na mitynh:
Voś videastrym z Maładziečna:
Karespandenty «Našaj Nivy» paviedamlajuć ź miesca mitynhu.
Voś što nam skazaŭ žychar Maładziečna ŭ čarzie:
Siońnia kandydat u prezidenty Śviatłana Cichanoŭskaja ździajśniaje turne pa zachodniaj častcy Biełarusi.
Maładziečna — 95-tysiačny horad na paŭnočnym zachadzie Biełarusi.
Jak stała viadoma «Našaj Nivie» ź dźviuch krynic, supracoŭniki biudžetnaj śfiery Maładziečna atrymali ŭkazańnie adpravić na stadyjon svaich ludziej.
Jak čakajecca, jany pavinny buduć u čas mitynhu vykazać niazhodu, a paśla demanstratyŭna syści.
U pryvatnaści, ad kožnaj škoły zavučy abaviazanyja pryvieści pa šeść čałaviek.
Jak pieradaje karespandent «Našaj Nivy» z Maładziečna, sapraŭdy, na stadyjonie fiksavalisia adasoblenyja hrupki žančyn z maskami na tvarach, jakija kučkujucca i admaŭlajucca havaryć z presaj.
Zdajecca, ideja demaršu nie vielmi spracavała. U «kupkach» karespandenty «Našaj Nivy» naličyli tolki 25 čałaviek. I jany sapraŭdy syšli nieŭzabavie paśla pačatku mitynhu — ale moŭčki i ciškam.
A hetyja žančyny kučkujucca asobna.
Pa stanie na 15.40 sotni čałaviek ludziej usio jašče čakajuć u čerhach prachodu na stadyjon. Nahadajem, što ad 30 lipienia ŭłady ŭviali pravierku naviednikaŭ mitynhaŭ mietałašukalnikami.
Źmiest pramovy Cichanoŭskaj mała adroźnivaŭsia ad papiarednich. Jana źviarnułasia da piensijanieraŭ i patłumačyła im, što piensii płacić nie prezident, hrošy na piensii iduć z padatkaŭ.
Cichanoŭskaja paabiacała vyzvalić palityčnych i ekanamičnych viaźniaŭ, viarnuć demakratyčnuju Kanstytucyju 1994 hoda i pravieści novyja demakratyčnyja vybary.
Simvolika, jakuju razdaje štab, — maleńkija bieł-čyrvona-biełyja ściažki z Pahoniaj. Dziasiatki takich ściažkoŭ łunajuć nad natoŭpam.
Mitynh zaviaršyŭsia prykładna ŭ 17:15, Cichanoŭskaja pakidała stadyjon pad apładysmienty, ludzi chacieli ź joj sfatahrafavacca.
* * *
Finalnym punktam piatnicy stanie mitynh u Lidzie. Jon maje raspačacca a 19:00 na płoščy kala Handlovaha centra «Patsdam», vulica Lotnaja.