Ministr zamiežnych spraŭ Biełarusi Uładzimir Makiej pravioŭ telefonnuju razmovu ź ministram zamiežnych spraŭ Polščy Jacekam Čaputovičam. Hutarka adbyłasia pa inicyjatyvie polskaha boku, paviedamlaje pres-słužba MZS Biełarusi.
«Kiraŭniki źniešniepalityčnych viedamstvaŭ abmierkavali šyrokaje koła pytańniaŭ raźvićcia biełaruska-polskaha supracoŭnictva, biełaruskija i polskija prapanovy pa realizacyi šerahu rehijanalnych inicyjatyŭ. Uładzimir Makiej prainfarmavaŭ polskaha kalehu ab chodzie padrychtoŭki da vybaraŭ prezidenta Biełarusi» — havorycca ŭ paviedamleńni.
Jak paviedamlaje MZS Polščy, Jacek Čaputovič źviarnuŭ uvahu na nieabchodnaść vyzvaleńnia palitviaźniaŭ i paćvierdziŭ padtrymku z boku Polščy niezaležnaści Biełarusi, umovaj dla ŭmacavańnia jakoj źjaŭlajecca pastajanny dyjałoh ułady i hramadstva.
