Na Śvietłahorskim CKK adbyłosia nadzvyčajnaje zdareńnie — dva čałavieki ŭ balnicy, adzin u vielmi ciažkim stanie, piša Tut.by.
Fota Ivana Jaryvanoviča
Pra zdareńnie paviedamiła maci adnaho z paciarpiełych — zvarščyka Alaksieja Sasnoŭskaha. U hety momant jana znachodzicca ŭ kalidory reanimacyjnaha adździaleńnia Śvietłahorskaj rajonnaj balnicy. Žančynie skazali, što ŭ syna 90% apiokaŭ.
Alaksiej bolš za 11 hadoŭ pracuje na CKK zvarščykam. Siońnia jon prykładna a 16-j z naparnikam vykonvali pracy ŭ cechu vareńnia celułozy. Što adbyłosia, pakul nieviadoma. U Alaksieja, pa słovach jaho mamy Natalli Uładzimiraŭny, ciažki stan. Z Homiela ŭ rajcentr vyklikali daktaroŭ, bo transparciroŭka paciarpiełaha niemahčymaja.
Druhi rabočy paciarpieŭ mienš — u jaho nie niebiaśpiečnyja dla žyćcia apioki na nahach i tvary.
U zavadskoj dyśpietčarskaj nie paćvierdzili, ale i nie abvierhli infarmacyju ab NZ, a potym skazali, što nie abaviazanyja pradastaŭlać infarmacyju žurnalistam.
